Toggle navigation
საინჟინრო
ლეგალიზება
ხაზობრივი
» ნებართვის ეტაპზე
აუდიტის ბაზაშია
თუ ნებართვის ეტაპზე ირკვევა, რომ უკვე ნაწარმოებია მშენებლობა, მოეთხოვება ჯარიმა:
ქ. თბილისის მუნიციპალიტეტის მერიის შიდა აუდიტისა და მონიტორინგის საქალაქო სამსახურის 2017 წლის 20 მარტის №13-01170794125 წერილით (სამსახურში რეგისტრაციის №07/2719-13 21.03.2017წ.) არქიტექტურის სამსახურისთვის ცნობილი გახდა, რომ საპროექტო ობიექტის მშენებლობა ნაწარმოებია შეთანხმებული პროექტის დარღვევით. აქედან გამომდინარე და მოქმედი კანონმდებლობის თანახმად, საჭიროა, წარმოადგინოთ ქ. თბილისის მუნიციპალიტეტის მერიის ზედამხედველობის საქალაქო სამსახურის მიერ გაცემული დადგენილება სამშენებლო–სამართალდარღვევის საქმეზე და შესაბამისი დარღვევისათვის დაკისრებული ჯარიმის გადახდის დამადასტურებელი ქვითარი და განაახლოთ არსებული ფოტოსურათები დღევანდელი მდგომარეობით.
მუნიციპალური ინსპექციის მითითება თუ ფიქსირდება
თუ ირკვევა, რომ უკვე ნაწარმოებია და თან დარღვევით, ნებართვის გაცემამდე უნდა მოეთხოვოს:
სამსახურის მონაცემთა ბაზებით დგინდება, რომ ქ. თბილისის მუნიციპალური ინსპექციის მიერ 2021 წლის 11 მაისს გაცემულია №0000326 მითითება სამშენებლო – სამართალდარღვევის საქმეზე, შესაბამისად დამატებით წარმოდგენილი უნდა იქნას დადგენილება სამშენებლო სამართალდარღვევის საქმეზე და შესაბამისი დარღვევისათვის დაკისრებული ჯარიმის გადახდის დამადასტურებელი ქვითარი (ნაწარმოები მშენებლობის შესაბამისად განახლებული უნდა იქნას მშენებლობის ორგანიზაციის პროექტის კალენდარული გრაფიკიც (ეტაპების სახით გაწერეთ დარჩენილი სამუშაოები) და არსებული სიტუაციის ამსახველი ფოტომასალა).
სამსახურის მონაცემთა ბაზებით დგინდება, რომ ქ. თბილისის მუნიციპალური ინსპექციის მიერ გაცემულია მითითება სამშენებლო – სამართალდარღვევის საქმეზე, შესაბამისად დამატებით წარმოდგენილი უნდა იქნას დადგენილება სამშენებლო სამართალდარღვევის საქმეზე და შესაბამისი დარღვევისათვის დაკისრებული ჯარიმის გადახდის დამადასტურებელი ქვითარი, ან უნდა განახორციელოთ ნაწარმოები ნაგებობის დემონტაჟი, რომლის დამადასტურებლად უნდა წარმოადგინოთ განახლებული არსებული სიტუაციის ამსახველი ფოტოები და მასთან ერთად ქ. თბილისის მერიის მუნიციპალური ინსპექციის საქალაქო სამსახურის მიერ გაცემული შესაბამისი აქტი, უნებართვოდ მოწყობილი ნაგებობის დემონტაჟის თაობაზე, მოთხოვნა კი დაყენებული უნდა იქნეს ახალი განცხადებით არა თუ რეკონსტრუქციაზე, არამედ ახალ მშენებლობაზე.
სატყეო ზონაშია
ქ. თბილისის მუნიციპალიტეტის სსიპ – ქ. თბილისის მუნიციპალიტეტის არქიტექტურის სამსახურმა განიხილა თქვენ მიერ ელექტრონულად ატვირთული განცხადება და მასზე თანდართული დოკუმენტაცია, პასუხად გაცნობებთ შემდეგს: აღნიშნული მიწის ნაკვეთი დედაქალაქის მიწათსარგებლობის გენერალური გეგმის გრაფიკული ნაწილის-რუკის მიხედვით მდებარეობს სატყეო ზონაში, რომელიც არის ქალაქ თბილისის ადმინისტრაციულ საზღვრებში არსებული ადგილობრივი მნიშვნელობის ტყე და მოიცავს საქართველოს კანონმდებლობით განსაზღვრულ ტყეებსა და სატყეო ტერიტორიებს. "ქალაქ თბილისის მუნიციპალიტეტის ტერიტორიების გამოყენებისა და განაშენიანების რეგულირების წესების დამტკიცების შესახებ" ქ. თბილისის მუნიციპალიტეტის საკრებულოს 2016 წლის 24 მაისის N14-39 დადგენილების შესაბამისად სატყეო ზონაში დაუშვებელია ყოველგვარი მშენებლობა, გარდა მისი ფუნქციონირებისათვის საჭირო ინფრასტრუქტურისა. სპეციალური (ზონალური) შეთანხმების საფუძველზე ასევე დასაშვებია საკულტო და კანონმდებლობით განსაზღვრული საზოგადოებრივი მნიშვნელობის ხაზობრივი-საინჟინრო შენობა-ნაგებობების განთავსება. ზემოაღნიშნულიდან გამომდინარე, იმისათვის რომ სამსახუმა იმსჯელოს საკითხთან დაკავშირებით საჭიროა პირველ რიგში მიმართოთ ქალაქ თბილისის მუნიციპალიტეტის საჯარო სამართლის იურიდიული პირი ქალაქ თბილისის ტრანსპორტისა და ურბანული განვითარების სააგენტოს სპეციალურ (ზონალურ) შეთანხმების კუთხით. არასრულყოფილი დოკუმენტაციის გამო სამსახური ამ ეტაპზე ვერ გიდგენთ ყველა შესაძლო ხარვეზს. გაითვალისწინეთ, რომ თქვენ გეძლევათ 30 დღიანი ვადა მითითებული ხარვეზის გამოსასწორებლად, თუ დადგენილ ვადაში განმცხადებელი არ წარმოადგენს შესაბამის დოკუმენტაციას, განცხადება დარჩება განუხილველი.