დემონტაჟის მოთხოვნისას განმცხადებელი უფლებამოსილი უნდა იყოს (მესაკუთრე სადემონტაჟო ობიექტისა ან წარმომადგენელი)
განმცხადებლის უფლებამოსილების დამადასტურებელი დოკუმენტი

დემონტაჟისას აუცილებელია გადამოწმდეს სადემონტაჟო ნაგებობა ხომ არ არის იჯარით / სარგებლობით დატვირთული
საჯარო რეესტრის ამონაწერში ფიქსირდება იჯარა. განიმარტოს, რომელი ნაგებობაა იჯარით და თუ ამ ნაგებობის დემონტაჟიც ხდება, წარმოდგენილი იქნას მოიჯარის უფლებამოსილი პირის მიერ გაცემული სათანადო წესით დამოწმებული თანხმობა

თუ გვეეჭვება რაიმე ან 1 თვეზე უკან გადაღებული ფოტოსურათებია მოეთხოვება: არსებული სიტუაციის ფოტოსურათები: წარმოდგენილი იქნას არსებული სიტუაციის ფოტოსურათები ფოტოგადაღების თარიღით დაფიქსირებული

წარმოსადგენია საინფორმაციო დაფა – ბანერის ამსახველი ფოტოსურათები შორი და ახლო ხედებიდან. საინფორმაციო დაფა უნდა დამაგრდეს საზოგადოებრივი სივრცეებიდან აღქმად, თვალსაჩინო ადგილზე და მშენებლობის ნებართვის გაცემისა და შენობა-ნაგებობის ექსპლუატაციაში მიღების წესისა და პირობების შესახებ საქართველოს მთავრობის №255 (31.05.2019) დადგენილების 19-ე მუხლის N3 პუნქტის შესაბამისად მშენებლობის ნებართვის გაცემის თაობაზე ადმინისტრაციული წარმოების ადმინისტრაციული წარმოების დაწყებამდე საინფორმაციო დაფა უნდა მოიცავდეს: • დემონტაჟის ნებართვის მაძიებლის საკონტაქტო ინფორმაციას; • მიწის ნაკვეთის მისამართს; • მშენებლობის სახეობას და შენობა-ნაგებობის ფუნქციურ დანიშნულებას; • მშენებლობის ნებართვის გამცემი ორგანოს დასახელებას/მისამართს • განაცხადის განხილვის ვადებს; • შენობა-ნაგებობის დაზუსტებულ სართულიანობას ან/და გაბარიტებს. • მიწის ნაკვეთის სამშენებლოდ გამოყენების პირობების ან განაშენიანების დეტალური გეგმის რეკვიზიტებს, საინფორმაციო დაფაზე უნდა განთავსდეს მხოლოდ ზემოაღნიშნული მუხლით განსაზღვრული ინფორმაცია და დაუშვებელია მისი სარეკლამო მიზნებისათვის გამოყენება.

დემონტაჟის ორგანიზაციის პროექტი უნდა მოიცავდეს თვით არქიტექტურულ პროექტს სადემონტაჟო ობიექტისას, სამუშაოების აღწერას, თანმიმდევრობას
წარმოსადგენია დემონტაჟის სრულყოფილი პროექტი და შესაბამისი საექსპერტო შეფასება. სადემონტაჟო შენობის სრულყოფილი დემონტაჟის ორგანიზაციის პროექტი მათ შორის უნდა მოიცავდეს: განმარტებით ბარათს: ტერიტორიაზე არსებული შენობების მითითებით, სადემონტაჟო პროცედურის წარმოების თანმიმდევრობის აღწერას და სადემონტაჟო სამუშაოების განხორციელებისას მიმდებარე მიწის ნაკვეთებზე არსებული შენობების უსაფრთხოებისა და მათზე შესაძლო უარყოფითი ზეგავლენის აცილების მიზნით განსახორციელებელი ღონისძიებების შესახებ ინფორმაციას; სქემატურ სამუშაო გეგმას; სადემონტაჟო შენობის აზომვით ნახაზებს (სრული შემადგენლობით: გეგმები ფასადები და ჭრილები) დამოწმებული შესაბამისი სპეციალისტ(ებ)ის მიერ. აწყობილი ერთი pdf ფაილის სახით; არსებული სიტუაციის ამსახველ ფოტოსურათებს; გენერალურ გეგმას; განმარტებას კლასის განმსაზღვრელი პარამეტრების შესახებ (მალი, სიმაღლე, ფართობი და ა.შ.);

იმის გათვალისწინებით, რომ არქიტექტურის სამსახური უფლებამოსილია დემონტაჟის ნებართვა გასცეს მხოლოდ კანონიერ ნაგებობაზე:
წარმოდგენილი იქნას სადემონტაჟოდ მოთხოვნილი ნაგებობის კანონიერების დამადასტურებელი დოკუმენტი

ვინაიდან სადემონტაჟო ობიექტის არეალში ფიქსირდება ხაზობრივი ნაგებობები, წარმოსადგენია შესაბამისი ხაზობრივი ნაგებობების მესაკუთრეთა თანხმობა

წარმოდგენილი იქნას საექსპერტო შეფასება დემონტაჟის პროექტსა და დასკვნით ნაწილშიც მკაფიოდ განიმარტოს დემონტაჟის პროექტის შესაბამისობა მოქმედ სამშენებლო ნორმებთან და წესებთან. საექსპერტო დასკვნა უნდა ატარებდეს ერთმნიშვნელოვნად დადებით ან უარყოფით ხასიათს